கொழும்பு செல்லும் 1200 யாழ், மாணவ விளையாட்டு வீரர்கள்!

Follow @jananayakan வட மாகாண பாடசாலைகளுக்கிடையிலான மாகாண மட்ட விளையாட்டுப் போட்டி கடந்த மாதம் மன்னாரில் இடம் பெற்றது, இப் போட்டியில் முதல் மூன்று இடங்களையும் பெற்ற 1200 பேரளவிலான மாணவ வீர, வீராங்கனைகள், கொழும்பில் நிகழும் தேசிய மட்ட விளையாட்டுப் போட்டியில் கலந்து சிறப்பிக்கவுள்ளார்கள்.

இவ்விளையாட்டு வீரர்களைக் கொழும்புக்கு அனுப்பி வைப்பதற்கான முழு ஏற்பாடுகளையும் அமைச்சர் டக்ளஸ் தேவானந்தா செய்துள்ளார், முதற் தொகுதியாக 321 விளையாட்டு வீரர்கள் மற்றும் 62 பொறுப்பாசிரியர்கள் அடங்கலான குழுவினர் ஏ-9 பாதையூடாக கடந்த 2009.09.04 ஆம் திகதி யாழ்ப்பாணத்தில் இருந்து கொழும்பைச் சென்றடைந்துள்ளனர்.

இரண்டாம் மற்றும் மூன்றாம் தொகுதி விளையாட்டு வீரர்களும், பொறுப்பாசிரியர்களும் எதிர்வரும் 10 ஆம் மற்றும் 20 ஆம் திகதிகளில் கொழும்புக்குச் செல்ல ஏற்பாடு செய்யப்பட்டுள்ளது