யாழ்ப்பாணம் - கொழும்பு பயணத்தினை மேற்கொள்ளும் பயணிகள் போக்குவரத்தில் அசௌகரியப்படுவதனை நிவர்த்திக்கும் நோக்கில் ஸ்ரீலங்கா வான்படையினரின் விமானமூடாக பயணிகள் விமான சேவையை நடாத்துவதற்கு சமூக சேவைகள் அமைச்சர் டக்ளஸ் தேவானந்தா ஏற்பாடு செய்துள்ளார்.யாழ் - கொழும்பு பயணிகள் விமான சேவை தனியார் நிறுவத்தினால் நடைபெறுவதனால் காலதாமதம் ஏற்படுவதுடன் விமானப் பயணத்திற்கு பெருந்தொகையான பணச் செலவு ஏற்படுகின்றது, அத்துடன் கப்பல் சேவையினை எதிர்பார்த்து பெருமளவு பொதுமக்கள் பலத்த சிரமங்களுக்கு மத்தியில் திருகோணமலையிலும் தங்கியுள்ளனர், இவை அனைத்தையும் குறைக்கும் நோக்கில் அமைச்சர் டக்ளஸ் தேவானந்தாவின் நேரடிக் கண்காணிப்பில் தரகர்களின் மோசடிகளுக்கிடமின்றி இவ் விமானப் பயண சேவை ஏற்படுத்தப்பட்டுள்ளது.
யாழ்ப்பாணம் - கொழும்பு பயணம் மேற்கொள்ள விரும்பும் பயணிகள் ஒரு வழிப் பயணச் சீட்டுக்கு 4400.00 + 500.00 = 4900.00 ரூபாய் செலுத்த வேண்டும். இவ் விமான சேவை பதிவுகள் அனைத்தும் கொழும்பு - 5, இசிப்பத்தன மாவத்தை, இல. 61, இல் அமைந்துள்ள சமூக சேவைகள் அமைச்சு பணிமனையில் மேற்கொள்ளப்படும், அத்துடன் 0112-584322 எனும் தொலைபேசி இலக்கத்தினூடாகவும் தமது பதிவுகளை மேற்கொள்ளலாமென சமூக சேவைகள் அமைச்சு அறிவித்துள்ளது.
